دەگەنمەن جاپونيادا وليمپيادا وتكىزۋگە دەگەن قارسىلىق كۇننەن كۇنگە ارتا تۇسۋدە. تۇرعىندار حالىقارالىق جارىستىڭ كوروناۆيرۋس ينفەكتسياسىنىڭ تارالۋىنا سەبەپ بولاتىنىنان قاۋىپتەنەدى.
— سپورتشىلار مەن جاپونيا حالقىنىڭ قاۋىپسىزدىگىن قامتاماسىز ەتۋگە قاتىستى جوسپارىمىزدىڭ ءبارى ەڭ ناشار دەگەن ستسەناريلەرگە نەگىزدەلگەن, - دەيدى حالىقارالىق وليمپيادا كوميتەتىنىڭ (حوك) ۆيتسە-پرەزيدەنتى دجون كوۋتس.
ول «وليمپيادا ويىندارى توكيوداعى توتەنشە جاعدايعا قاراماستان وتكىزىلە بەرە مە؟» دەگەن جۋرناليست ساۋالىنا ول «ارينە, وتكىزىلەدى» دەپ قىسقا جاۋاپ بەردى.
توكيوداعى حالىقارالىق وليمپيادا ويىندارىنىڭ باستالۋىنا توعىز اپتا عانا قالدى. بۇل جارىس 2020 جىلى ءوتۋى ءتيىس ەدى, بىراق پاندەمياعا بايلانىستى ويىن ءبىر جىلعا شەگەرىلگەن.
جاپونيا كوروناۆيرۋس ىندەتىنىڭ ءتورتىنشى تولقىنىمەن كۇرەسىپ جاتىر. ەكپە ناۋقانى باياۋ بولعاندىقتان, حالىقتىڭ ءبىراز بولىگى وليمپيادانى بيىل وتكىزۋ جوسپارىنا سەنىمسىزدىكپەن قارايدى.
